de | pl | en | by

Ад мінскага ваяводы Адама Хмары да нашчадкаў сям’і Высоцкіх

Автор: Сямён Лукашук
Фото: Сяргея Плыткевіча

Менавіта так адным сказам можна акрэсліць тэматыку навукова-практычнай канферэнцыі, якая 22 чэрвеня адбылася ў аграсядзібе “Даліна Утульнасць”. Канферэнцыя была прысвечана 250-годдзю заснавання Семкаўскага палаца і 100-годдзю прыезда ў Сёмкава Якуба Коласа. Ініцыятарам і арганізатарам канферэнцыі выступіла кіраўнік Сёмкаўскага філіяла рэспубліканскага фонда развіцця турызму і падтрымкі дзікай прыроды “Планета без межаў” Таццяна Хамянкова.

З прывітальным словам да ўдзельнікаў канферэнцыі звярнуўся старшыня фонда “Планета без межаў” фотамастак Сяргей Плыткевіч. Ён сказаў, што пабудаваць моцную незалежную дзяржаву можна толькі тады, калі жыхары краіны памятаюць сваю гісторыю, паважаюць знакамітых продкаў і робяць усё магчымае, каб захаваць гістарычныя помнікі і мясціны. Палацава-паркавы комплекс “Сёмкава” – унікальнае месца на тэрыторыі Беларусі. І вельмі цудоўна, што ёсць людзі, якія прыкладаюць намаганні для яго адраджэння.

1-A29V2529_1330.jpg

Канферэнцыя праходзіла на фоне фотавыставы Анатоля Кухарчука "Высветы" і малюнкаў мастачкі Марыі Каралёвай.

3-A29V2504_1330.jpg

Канферэнцыя пачалася з выступлення рэстаўратара, калекцыянера і мецэната Ігара Сурмачэўскага.

2-A29V2542_1330.jpg

Ён расказаў дэтэктыўную гісторыю выратавання цудатворнага абраза Божай Маці з дубраўскага касцёла Ўнебаўзяцця Дзевы Марыі.

2-1 Дуброво, костел.jpg

Вось так дубраўскі касцёл выглядае зараз. Але галоўны абраз памерам паўтара метры на метр двадцаць, які, як высветлілася, быў замоўлены мінскім ваяводам Адамам Хмарай, захаваўся! І зараз Ігар Сурмачэўскі займаецца яго рэстаўрацыяй…

4-A29V2563_1330.jpg

Святлена Немагай, кандыдат мастацтвазнаўства, загадчык кафедры мастацкай творчасці і прадзюсарства ў Інстытуце сучасных ведаў, расказала пра

апошні шлях Адама Хмары. Яна прадставіла падрабязнае апісанне тых мерапрыемстваў, якія былі арганізаваны пасля смерці мінскага ваеводы і да яго пахавання ў крыпце Дубраўскага касцёла.

5-A29V2587_1330.jpg

Вельмі цікавым быў выступ кандыдата культуралогіі, экскурсавода Наталлі Шчарбаковай. Яна распавяла пра багатую музычную культуру Беларусі ў XVIII – XIX стагоддзях.

6-A29V2627_1330.jpg

Вядучы навуковы супрацоўнік Літаратурнага музея Максіма Багдановіча Ірына Мышкавец расказала, як дзіўным чынам Сёмкаў Гарадок звязаны з прадстаўнікамі сям’і Багдановічаў. Яна прывяла такія факты, што пры жаданні можна зрабіць некалькі гістарычных матарыялаў.

7-A29V2652_1330.jpg

Вядучы навуковы супрацоўнік Дзяржаўнага літатургага музея Янкі Купалы Павел Каралёў, як заўсёды, выступаў артыстычна і эмацыянальна, ён расказаў пра прыгоды Янкі Купалы ў Сёмкаве, пра яго працу на бровары і пачатак літаратурнай дзейнасці.

8-A29V2730_1330.jpg

Вядучы навуковы супрацоўнік Дзяржаўнага літаратурна-мемарыяльнага музея Якуба Коласа Іван Дубовік падзяліўся некаторымі думкамі пра выкарыстанне сімуляцый петляў часу і паралельнай рэчаіснасці ў асветніцкай працы музея.

9-A29V9784_1330.jpg

Гісторык, архівіст, пісьменнік Зміцер Дрозд падзяліўся інфармацыяй, як ён ствараў генеалагічнае дрэва сям’і Высоцкіх з Сёмкава і Чучаноў. Як высветлілася, часам зрабіць гэта на тэрыторыі Беларусі вельмі і вельмі складана.

10-A29V9798_1330.jpg

Пасля завяршэння навукова-практычнай канферэнцыі Таццяна Хамянкова правяла для яе ўдзельнікаў экскурсію па палацава-паркаваму комплексу.

10-A29V9804_1330.jpg

Вось так палац у Сёмкаве выглядаў калісьці.

11-A29V9915_1330.jpg

Вось такія вокны мае зараз…

12-A29V9918_1330.jpg

Але удзельнікі канферэнцыі былі настроены аптымістычна.

13-A29V9851_1330.jpg

Дадаваў аптымізму і мясцовы жыхар Рыжык, які суправаджаў нас пад час экскурсіі.

14-A29V9857_1330.jpg

Паводзіў ён сабе па-гаспадарску.

15-A29V9904_1330.jpg

І стаў адным з герояў сюжэта, калі ўдзельнікі канферэнцыі вырашылі сфатаграфавацца ў тым месцы, дзе быў зроблены здымак Якуба Коласа з мясцовымі дзяўчынкамі.

19 Я.Колас у семкава.jpg

Таццяна Хамянкова прадставіла калегам экалагічную сцежку, адкрыццё якой адбудзецца пад час фестывалю Х_мара у бліжэйшыя выхадныя.

16-A29V9958_1330.jpg

З моманту ўсталявання інфармацыйных стэндаў не прайшло і два тыдні, а па выяве Напалеона Орды ўжо можна меркаваць пра адносіны некаторых мясцовых жыхароў да ініцыятывы Таццяны Хамянковай і яе аднадумцаў, якія мараць пра адраджэнне Семкава.

17-A29V9931_1330.jpg

У пачатку двадцатых гадоў мінулага стагоддзя палац і бровар былі разрабаваны, усе мастацкія каштоўнасці выкрадзены або знішчаны. Зараз красці няма чаго, але можна кінуць камень у стэнд. Таму яго і зрабілі антывандальным…

18-A29V2497_1330.jpg

Але валанцёры сёмкаўскага філіяла фонда “Планета без межаў” спадзяюцца, што Сёмкаўскі палац атрымаецца аднавіць і ён будзе выглядаць не горш, чым на карціне Марыі Каралевай…


Комментарии
Оставить комментарий
Чтобы оставить комментарий, вам необходимо авторизоваться.
Самые популярные Самые обсуждаемые