Ru
En Bl

Беларуская правінцыя: паэзія ў фарбах

Автор: Анатоль Варава, Вiаполь
Фото: Вiаполь
Ссылка: Вiаполь

«Правінцыя» – так сціпла, але ж і з «хітрым» падтэкстам назваў сваю выставу ў Мінску ў мiнулым годзе знакаміты беларускі мастак Кастусь Качан, які з такім замілаваннем і захапленнем шмат год працуе ў жанрах сельскага і архітэктурнага пейзажа, а таксама нацюрморта. А выстаўлены ягоныя працы ў родным городзе мастака – Навагрудку, дзе ён за ўласныя грошы збудаваў сваю Галерэю-майстэрню. Экспазіцыя (а гэта сотні вялікіх і малых карцін) запрашае свайго гледача ў цудоўны свет малых паселішчаў: вёсачак, хутароў, былых фальваркаў ды мястэчак. Дарэчы, падчас штотыдневай эскурсіі – кожны чацвер – ў Навагрудак «Дарогай замкаў» мы завітваем ў гэтую галерэю. Там творы Кастуся Качана можна не толькі пабачыць, але і атрымаць паштоўку з аўтографам мастака! І пачаставацца шарлоткай і смачнай гарбатай ад жонкі мастака… 

Кастусь Качан

Кастусь Качан

Некаторыя з тых мястэчак за савецкім часам зрабіліся райцэнтрамі, набылі адміністрацыйную вагу ды тую-сюю пыху, але ж тым не менш часцей за ўсё захавалі дасюль тую непаўторную атмасферу, якая і перадаецца ёмістым словам «правінцыя» – у самым найлепшым сэнсе гэтага слова. Спакойная разважлівасць, нетаропкі рытм жыцця, знаёмыя твары знаёмых людзей на вуліцах, прывітанні адзін аднаго, кароткія, а то і працяглыя размовы пра жыццё-быццё, пра мясцовыя навіны пры выпадковых сустрэчах і г.д., і г.д. Адным словам, правінцыя як яна ёсьць, якой яна яшчэ застаецца, жывучы спрадвеку побач з вялікімі гарадамі, што сталі з цягам часу абласнымі цэнтрамі або, як Мінск, сталіцай краіны.

Такой жа сталіцай быў калісьці і горад «караля Літвы» Міндоўга – колішні Наваградак, сённяшні Навагрудак. Па ягонай Замкавай гары дасёння блукаюць цені мінулага і постаці знакамітасцей. І менавіта на гэтую гару глядзіць штодня сваімі вокнамі майстэрня і адначасова тамтэйшая галерэя Кастуся Качана. Ёсць у гэтым спалучэнні, з аднаго боку, нейкая містыка, а з другога – заканамернасць! Мастак нездарма абраў гэтае месца для сваёй творчасці – яно вабіць, натхняе, нараджае асацыяцыі і алюзіі, якія і ператвараюцца пад ягоным пэндзлем у творы жывапісу, пранікнутыя гістарычнымі ўспамінамі і знакавымі вобразамі… 

Галерэя

Наваградак. Карцінная галерэя Кастуся Качана — дарэчы, збуданавая мастаком на ўласныя грошы

Вось трапіла на мае вочы, сярод іншага, маленечкая замалёўка пакручастай вулкі 1 Мая, што збягае наўпрост ад дома Кастуся Качана да стромкага Фарнага касцёла… Некалькімі яркімі мазкамі, здаецца – але ж толькі здаецца! – імгненна, мастак стварае мініяцюру, ад якой цяжка адвесці позірк, – настолькі яна і нешматслоўная, і напоўненая гістарычным зместам. Бо колькі ж значных падзей адбылося ў гэтым кутку – у Фары, на якую пазіраюць з Замкавай гары ацалелыя часткі дзвюх вежаў былой грознай Навагрудскай цытадэлі!..

Творы

Гарадкі, мястэчкі, вёскі на карцінах Кастуся Качана

Вечаровыя і раннішнія настроі прыроды, вясковыя краявіды, дываны, сатканыя з залатога восеньскага лістоўя, рачулкі і сажалкі старажытных паркаў, драўляныя і каменныя цэркаўкі і касцёлы, постаці людзей, што пакідаюць храм пасля імшы, самотная, па-філасофску абагульненая фігура ўдаўца, што рухаецца ў нейкую далечыню часу і прасторы… А яшчэ чароўныя нацюрморты з бэзам і язмінам, з велікоднымі прысмакамі…

Музыка

Пры наведванні турыстамі — гучыць музыка

Застаецца толькі шчыра падзякаваць мастаку, народжанаму зямлёй Наваградскай (Кастусь родам са знакамітага сваім старажытным – ад ХІІІ стагоддзя – манастыром Лаўрышава, што месціцца ў 30 км ад колішняй каралеўскай сталіцы Наваградка), за тую «песню песней», што ён прапеў сваёй Правінцыі, якая з ягоных твораў паўстае нібыта парафраз Міцкевічавай паэмы «Пан Тадэвуш». Паэзія ў фарбах…

Все статьи проекта «Экскурсии с Виаполем» можно посмотреть в разделе «Куда поехать»

ЭКСКУРСИИ ПО БЕЛАРУСИ ОТ ТУРОПЕРАТОРА ВИАПОЛЬ


Комментарии
Оставить комментарий
Чтобы оставить комментарий, вам необходимо авторизоваться.

Смотрите также

Статьи
По обеим сторонам белорусского экватора

Что такое экватор? Виртуальная линия, которая делит Землю пополам. А что такое белорусский экватор? Ось, на которой все

Статьи
Сюжет для небольшого рассказа или с праздником!

Чу! В магазинах суета сует... На кухнях готовятся тазики оливье и селедки под шубой...

Статьи
Березино, или сколько стоит революция

Былое местечко, а ныне районный центр Минщины — Березино на реке Березине известно с 1501

Статьи
Легенда Первой Мировой

Дорогу из Крево в Сморгонь, длиной в 25 км, делит пополам деревня Новоспасск, где в июне 1917 года, в ходе Первой

Еще
Самые популярные Самые обсуждаемые