en | by | de | pl

Экасцяжына ў Сёмкаве: быць ці не быць?

Автор: Таццяна Хамянкова
Фото: Сяргея Плыткевіча

8 чэрвеня 2021 года пачаў сваю работу Сёмкаўскі філіял рэспубліканскага фонда развіцця турызму і падтрымкі дзікай прыроды "Планета без межаў". Галоўная яго задача – адраджэнне сядзібна-паркавага комплекса ў вёсцы Сёмкава, распрацоўка экасцежак, развіццё экскурсійнага і экалагічнага турызму.

1-DJI_0852pb_1330.jpg

Праца над канцэпцыяй экасцяжыны "Сёмкава" пачалася яшчэ раней – летам мінулага года. Ініцыятарамі былі Супольнасць валанцёраў Сёмкава і аграсядзіба "Даліна Утульнасць". Неабходнасць стварэння экасцяжыны падтрымалі Сёмкаўская парафія Ушэсця Гасподняга і калектыў Сёмкаўскай сярэдняй школы. Выканаўцам выступіў "Цэнтр экалагічных рашэнняў".

2-DJI_0823pb_1330.jpg

У снежні 2020 года былі вызначаны тры маршруты рознай ступені складанасці і распачата работа па іх падрыхтоўцы. 12 снежня на аграсядзібе "Даліна Утульнасць" для мясцовых жыхароў і школьнікаў адбылася прэзентацыя экалагічнай выставы і майстар-клас паасобнага збору смецця.

У красавіку 2021 года падрыхтаваныя экалагічныя маршруты былі пададзены на разгледжанне ў Мінскі раённы выканаўчы камітэт.

8 чэрвеня 2021 года на тэрыторыі сядзібна-паркавага комплекса Сёмкава прайшла выяздная нарада Мінрайвыканкама і Папернянскага сельскага савета.

7-A29V3058pb_1330.jpg

Намеснік старшыні Мінрайвыканкама па сацыяльных пытаннях Ірына Ціхонка, начальнік аддзела ідэалогіі, культуры і моладзевай палітыкі Мінрайвыканкама Наталля Бажко, старшыня Папернянскага сельскага савета Ганна Сахарава азнаёміліся з першай экасцяжынай, якую распрацавалі супрацоўнікі "Цэнтра экалагічных рашэнняў". Работа атрымала станоўчую адзнаку, заставалася толькі зрабіць інфармацыйныя стэнды на маршруце.

8-DJI_0012pb_1330.jpg

Але, на жаль, прыйшла інфармацыя пра закрыццё “Цэнтра экалагічных рашэнняў”, які абяцаў усталяваць інфармацыйныя стэнды за свой кошт. І зараз перад намі праблема: як закончыць працу па стварэнні экасцяжынак па старэйшаму ў Мінскай вобласці парку. Ёсць надзея, што рашэнне аб ліквідацыі “Цэнтра экалагічных рашэнняў” будзе адменена. Ёсць спробы знайсці сродкі на інфармацыйныя стэнды.

9-AJ3I9941pb_1330.jpg

Сядзіба ў Сёмкаве мае вельмі багатую гісторыю, ёю валодалі і яе наведвалі знакамітыя людзі. Частка старажытнага парка добра захавалася. Мы павінны зрабіць усё магчымае, каб гэтае месца стала папулярным сярод турыстаў!

P.S. 30-31 кастрычніка 2021 года мы праводзім добраўпарадкаванне сёмкаўскага парку. Запрашаем усіх жадаючых дапамагчы!

Таццяна Хамянкова, старшыня Сёмкаўскага філіяла Рэспубліканскага фонду развіцця турызму і падтрымкі дзікай прыроды “Планета без межаў”.


Комментарии
Оставить комментарий
Чтобы оставить комментарий, вам необходимо авторизоваться.
Самые популярные Самые обсуждаемые