Ru
En Bl

Бабруйскую крэпасьць разьбіраюць марадэры?

Ссылка: Радыё Свабода
13.06.2017

Вандалы расьцягваюць аўтэнтычную цэглу з помніка архітэктуры і гісторыі — Бабруйскай крэпасьці, якая стаіць без нагляду і ў год абвяшчэньня Бабруйску сталіцай культуры.

2 чэрвеня мінакі заўважылі, як да аднаго з бастыёнаў крэпасьці пад’ехаў мікрааўтобус і нейкія людзі сталі складваць у яго крапасныя цагліны. На наступны дзень гісторыя паўтарылася — той самы мікрааўтобус заўважыла турыстычная група зь Менску.

Аўтобус рабаўнікоў (фота ад валянтэраў)

Аўтобус рабаўнікоў (фота ад валянтэраў)

«Калі да нашых турыстаў дайшло, што гэтыя людзі сярод белага дня выносяць цэглу з гістарычнага помніка, яны проста аслупянелі ад шоку», — расказвае экскурсаводка групы Лідзія Пляшкевіч.

Сям’я марадэраў (фота ад турыстаў)

Сям’я марадэраў (фота ад турыстаў)

Турысты чулі грукат, нібыта марадэры разьбівалі ўнутраную сьценку. Сфатаграфавалі зламысьнікаў і выклікалі міліцыю. Яна прыехала хутка, вандалаў затрымалі. А тыя заявілі, што яны валянтэры і проста прыбіраюць сьмецьце.

Словы «валянтэры ў крэпасьці» ў Бабруйску ўжо вядомыя. Рэч у тым, што некалькі бабруйчан аб’ядналіся праз сацсеткі ў валянтэрскі атрад для ачысткі крэпасьці ад куч разнастайнага сьмецьця. Справу пачалі дзьве дзяўчыны — Ірына Хамрэнка-Ушакова й Кацярына Карпава.

Ірына Хамрэнка-Ушакова

Ірына Хамрэнка-Ушакова

​«Нам надакучыла скардзіцца што „нехта“ не даглядае нашу гарадзкую славутасьць — і мы вырашылі пачаць наводзіць там парадак самі, — расказвае Ірына Хамрэнка-Ушакова. — Карона ня ўпала, вынесьлі ўдзьвюх зь бліжэйшага бастыёну пяць мяхоў сьмецьця. Кінулі заклік, цяпер зьбіраемся штонядзелю, і з кожным разам прыходзіць усё больш народу — восем, дванаццаць чалавек... Апошнім разам агульнымі намаганьнямі вынесьлі ажно 80 мяхоў».

Муры крэпасьці пачынаюцца на ўскрайку сёньняшняга гораду

Муры крэпасьці пачынаюцца на ўскрайку сёньняшняга гораду

Першы бастыён, за які ўзяліся валянтэры, ужо прыбраны цалкам. І якраз да суседняга зь ім прыяжджалі марадэры.

Валянтэры выносяць з бастыёнаў і адносяць на сьметніцы выключна бытавое сьмецьце розных эпох, ад бутэлек да аўтамабільных пакрышак, а цэглу, нават бітую, толькі прымаюць з праходаў ды складваюць ўздоўж муроў. У мясцовай прэсе выйшаў артыкул пра іхную справу з кантактным тэлефонам арганізатараў прыбіраньня.

Гістарычная цэгла і сама валіцца

Гістарычная цэгла і сама валіцца

Агітацыйныя ўлёткі са старонак валянтэраў

Агітацыйныя ўлёткі са старонак валянтэраў

«І раптам у суботу мне тэлефануе невядомая жанчына і скардзіцца, што празь мяне затрымалі ейнага мужа, — працягвае Ірына Хамрэнка-Ушакова. — А пад вечар прыйшла міліцыя, опэрупаўнаважаны і сьледчы, сталі распытваць, хто мы, што робім у крэпасьці, што кажам іншым людзям. І расказалі, што затрымалі сям’ю, якая вывозіла з крэпасьці цэглу. Добра, што хутка разабраліся, што сапраўдныя валянтэры ні пры чым, але нэрваў патрацілі... Нам штораз балюча бачыць, калі на ачышчаным нашымі рукамі месцы зьяўляецца новая бутэлька ці пакет, а тут яшчэ і нейкія зладзеі намі прыкрываюцца!»

Бабруйчане прыбралі ад сьмецьця адзін з бастыёнаў (фота валянтэркі Сьвятланы Хартановіч-Бернадзкай)

Бабруйчане прыбралі ад сьмецьця адзін з бастыёнаў (фота валянтэркі Сьвятланы Хартановіч-Бернадзкай)

Закрыты бастыён

Закрыты бастыён

Калі з большай часткі тэрыторыі бабруйскай крэпасьці вывелі вайсковыя часткі, некаторыя бастыёны спрабавалі здаць у арэнду пад офісы, але нічога ня выйшла — у такіх мурах каналізацыю не правядзеш. Толькі з былой стайні зрабілі краму. Пару бастыёнаў закратавалі і паставілі вароты, а большасьць стаіць адкрытая. Гэта вабіць турыстаў, але самі збудаваньні без нагляду разбураюцца, нават перакрытыя. І цяпер адны жыхары Бабруйску страшэнна засьмечваюць сваю славутасьць, другія за першымі прыбіраюць, а трэція гатовыя разабраць, што засталося.

Ад аховы — толькі абвесткі

Ад аховы — толькі абвесткі

Нумару помніка пакуль ёсьць на чым трымацца

Нумару помніка пакуль ёсьць на чым трымацца

Правалы гісторыі

Правалы гісторыі


Комментарии
Оставить комментарий
Чтобы оставить комментарий, вам необходимо авторизоваться.

Смотрите также

Статьи
Строитель крепости, исследователь ВКЛ. Три жизни Теодора Нарбута

Военный инженер-фортификатор, не имевший равных среди современников, волею судьбы становится археологом и

Статьи
Бобруйская крепость превратилась в съемочную площадку

Здесь создают детский игровой художественный фильм «Прыжок саламандры». Мы побывали в одном из редюитов, который стал

Статьи
У Беларусі за 70 даляраў прадаюць каралеўскі палац!

Палац у Жамыслаўлі (Іўеўскі раён) – помнік гісторыі і культуры XIX ст., копія варшаўскага каралеўскага палацу ў

Статьи
Военная история разных эпох: что нужно знать о дотах и фортах Беларуси?

Военная история Беларуси не ограничивается музейными экспозициями. Ее следы повсюду в виде памятников, братских могил,

Еще
Самые популярные Самые обсуждаемые