Ru
En Bl

На Мядзельшчыне знайшлі фундамент дома, дзе нарадзілася першая лэдзі Польшчы Марыя Качынская

Автор: Яланта Сьмялоўская
Ссылка: Наша Нiва
22.08.2017

Паблізу беларускага мястэчка Нарач польскі дыплямат разам зь беларускімі калегамі знайшлі месца, дзе стаяў дом, у якім нарадзілася першая лэдзі Польшчы, сьвятой памяці Марыя Качыньска. Сёньня спаўняецца 75-я гадавіна з дня нараджэньня жонкі прэзыдэнта Польшчы Леха Качыньскага.

Марыя Качыньская нарадзілася ў вёсцы Махава. Месца, дзе стаяў дом, знайшоў дырэктар Польскага інстытуту ў Менску Матэвуш Адамскі.

У гэтым пытаньні дапамог беларускі журналіст, які працуе зараз у Польшчы для газэты «Rzeczpospolita», Руслан Шошын. Ён сам паходзіць зь Мядзеля. І ён падказаў, што на месцы ёсьць людзі, якія могуць дапамагчы знайсьці дом лесьніка Мацкевіча. «Дзякуючы Руслану Шошыну я зьвязаўся зь мясцовымі краязнаўцамі і ў выніку некалькіх паездак мы знайшлі гэтае месца ў лесе», - распавёў Польскаму радыё Матэвуш Адамскі.

«Дому няма. Мы шукалі дому лесьніка, пабудаванага да Другой сусьветнай вайны непадалёк ад дарогі Кабыльнік-Мядзель. Зараз там стаіць вэтлячэбніца. У пэўным радыюсе ад гэтага месца мы змаглі знайсьці рэшткі таго, што засталося з дому Мацкевічаў — склеп, падмурак і часткова сходы ў галоўны ўваход да дому й бакавыя».

Дырэктар Польскага інстытуту ў Мінску Матэвуш Адамскі

«Гэтае месца зараз даволі дзікае, сярод лесу, таму я ня бачу такой магчымасьці, каб усталёўваць нейкі памятны знак ці шыльду. Мы ўпэўненыя, што лепш усталяваць памятную шыльду ў касьцёле ў Кабыльніку, сёньня гэта Нарач, дзе была ахрышчаная Марыя Мацкевіч—Качыньска. Гэта годнае месца, каб увекавечыць памяць жонкі прэзыдэнта Леха Качыньскага».

Касьцёл у Нарачы, дзе была ахрышчаная Марыя Качыньска

Касьцёл у Нарачы, дзе была ахрышчаная Марыя Качыньска

Вызначыць, дзе знаходзіўся дом лесьніка Мацкевіча ў Махаве, дапамагаў прадпрымальнік Зьміцер Вінаградаў, польскія картографы й ксёндз з польскага Сопату.



Комментарии
Оставить комментарий
Чтобы оставить комментарий, вам необходимо авторизоваться.

Смотрите также

Наследие
Костел Святого Апостола Андрея в Нарочи

Костел Святого Андрея появился в деревне Нарочь на рубеже XIX

Самые популярные Самые обсуждаемые