Ru
En Bl

Не толькі сінагога. Якія славутасці патрапілі на карту яўрэйскай спадчыны Гродна

Автор: Аддзел інфармацыі
Фото: Сяргей Плыткевіч і Hrodna.life
17.02.2018

Блогер Яўген Аснарэўскі распрацаваў карту, прысвечаную яўрэйскай спадчыне Гродна. На маршрут ён нанёс 16 мясцовых славутасцяў, якія зацікавяць турыстаў. Усе аб’екты маршруту даступныя, іх можна назіраць звонку, а некаторыя нават без праблем наведаць.

У Гродне гэта не першая падобная карта, але першая якая даступная для сцягвання, піша  Hrodna.life. Канцэпцыя, маршрут, дызайн карты — усё аўтарскае.

karta.jpg

— Гродна валодае надзвычай багатай яўрэйскай спадчынай, а прапанаваны маршрут дазваляе пазнаёміцца ​​з некаторымі важнымі яе часткамі, — распавядае Яўген. — Працягласць шляху ад ЦСК «Нёман» да вуліцы Антонава з наведваннем тых 15 аб’ектаў, якія адзначаны на карце, можа скласці каля 5 кіламетраў, а гэта значыць, што магчыма прайсці маршрут пешшу.

Для тых, каму складана прайсці вялікі маршрут за дзень, апошні аддалены 16-ы аб’ект — могілкі ў Ласосна можна выключыць ці пакінуць на потым.

Яўген адзначае, што на карце магло б быць значна больш славутасцяў яўрэйскай спадчыны. Але блогер вырашыў выбраць 16 самых важных. Акрамя харальнай сінагогі гэта, напрыклад, яўрэйская аптэка, бальніца, фабрыка, духоўныя ўстановы і два гета.

getto.jpg

На карце ёсць адрас кожнага аб’екта, геаграфічныя каардынаты і рэкамендацыі, якiя тычацца паслядоўнасці наведвання.

sinagoga7.jpg

Ёсць карта і на 200 знакавых месцаў яўрэйскага жыцця ў Гродне

Кожны год у Гродна прыязджае вялікая, па беларускіх мерках, колькасць турыстаў. Сярод іх ёсць і тыя, хто цікавіцца менавіта яўрэйскай спадчынай горада. Старшыня іўдзейскай рэлігійнай абшчыны Гродна Барыс Квяткоўскі адзначае, што ў асноўным такія турысты едуць шукаць сваякоў або памятныя мясціны.

— З Ізраіля пастаянных груп у нас няма, ёсць толькі адзінкавыя турысты. Яны часцей за ўсё цікавяцца пытаннямі, якія звязаныя з жыццём сваякоў у даваенным і пасляваенным Гродне, — распавядае Барыс Квяткоўскі. — Не даведаўшыся нічога, шмат хто проста з’язджае.

Што тычыцца карты са значнымі яўрэйскімі месцамі ў Гродне, то, на думку Барыса Квяткоўскага, яна б карысталася папулярнасцю ў турыстаў.

—Напрыклад, летам 2017 года прыезджыя актыўна наведвалі яўрэйскія могілкі. Яшчэ да новай карты мы неяк займаліся распрацоўкай уласнай. Яе на маю замову рабіў Віктар Саяпін, і тады на карце было каля 200 месцаў яўрэйскага жыцця ў Гродне. Карта была распрацавана, але не рэалізавана. Там адзначаны і месцы, дзе гродзенцы хавалі яўрэяў падчас вайны, дзе знаходзіліся розныя заводы і многае іншае. Карту нашу я разглядаю як эксклюзіў — чакаем спонсараў, каб яе выпусціць, — гаворыць старшыня іўдзейскай рэлігійнай абшчыны Гродна.

Такія карты развіваюць турызм

У 2017 годзе ў горадзе і ваколіцах пабывала больш за 43 тысяч бязвізавых гасцей, едуць і турысты з візамі. Гродзенскі экскурсавод са стажам Аляксандр Хацько лічыць, што чым больш у Гродне будзе розных карт з маршрутамі, тым для турыстаў лепш.

—Калі браць менавіта яўрэйскую тэму, то Гродна багаты на гісторыю гэтага народа. Яўрэі адыгралі вялікую ролю ў культуры і эканоміцы нашага горада. Так што з’яўленне такіх карт — безумоўна плюс. У будучыні карты можна дапрацоўваць і падладжваць пад турыстаў. Але такі матэрыял павінен быць цікавы не толькі прыезджым. Напрыклад, нашы школьнікі практычна нічога не ведаюць пра яўрэйскую спадчыну Гродна, — гаворыць Аляксандр Хацько.


Комментарии
Оставить комментарий
Чтобы оставить комментарий, вам необходимо авторизоваться.

Смотрите также

Статьи
«Не только комиссарам надо памятники ставить». Гродненский скульптор ищет средства на бюст поэту Лейбе Найдусу

Еще в начале 1990-х известный гродненский скульптор Анатолий Салятыцкий получил заказ от местного горисполкома

Статьи
В Гродно на месте съемок «Белых Рос» появились скульптуры главных героев фильма

От той части деревни Девятовка, где 35 лет назад снимали культовый советский фильм «Белые Росы», остался всего лишь

Статьи
Дуб Быкова. Какие нестандартные места показывают гродненские экскурсоводы

Дуб, который посадил Василь Быков, и пивоварни. Куда вне обычных маршрутов водят туристов в

Статьи
Дом-музей Элизы Ожешко, замки, шопинг: что интересно в Гродно литовцам и полякам

С начала года почти 18 тысяч иностранных туристов посетили Гродно и Гродненский район в рамках безвизового

Еще
Самые популярные Самые обсуждаемые