Ru
En Bl

У хуткім часе знешні выгляд Чырвонага касцёла iстотна зменіцца

Автор: Цiна Турава
24.10.2017

Многія мінчукі ўжо заўважылі, што вакол касцёла Святых Сымона і Алены вырас высокі металічны плот. Пачалася рэстаўрацыя святыні.

Паводле праекта, будуць адноўлены разбураныя часткі цаглянага мура і гістарычная канфігурацыя ганкаў, аўтэнтычныя вітражы і дахоўка. Увогуле перад рэстаўратарамі стаіць задача наблізіць храм да першапачатковага выгляду, якім ён быў стагоддзе таму.

Але вось што, бадай, самае цікавае: побач з Чырвоным касцёлам з’явіліся стэнды з відарысам даволі вялікай – трохпавярховай – прыбудовы да яго. Як паведаміў сайт katolik.life, у ёй мяркуецца размясціць духоўна-адукацыйны цэнтр. Прапанова паступіла ад ксяндза-пробашча храма Уладзіслава Завальнюка.

1.jpg 2.jpg

Зараз гэтая ідэя разглядаецца Міністэрствам культуры – яно мусіць прыняць канчатковае рашэнне. Па словах кіраўніцтва прадпрыемства «Мінская спадчына», якому даручана рэстаўраваць помнік на плошчы Незалежнасці, эскіз прыбудовы паступіў да іх ужо калі распрацоўка ўсяго праекта была амаль скончана і аб'ём фінансавання вызначаны. Таму на пасяджэнні навукова-метадычнай рады пры Мінкульце прапанову тэарэтычна падтрымалі, далі рэкамендацыі па яе дапрацоўцы, але фінансаваць дадатковыя працы касцёлу раілі на свой кошт. Ці знойдуцца ў вернікаў такія грошы – пакуль адкрытае пытанне.

Звярнем вашу ўвагу на тое, што, згодна з праектам, уласнаручна зацверджаным Эдвардам Вайніловічам у пачатку ХХ стагоддзя, прыбудова да храма таксама мелася, аднак выглядала яна значна, значна больш сціпла!

Праект Чырвонага касцёла, пачатак ХХ стагоддзя.jpg

Яшчэ адзін, так бы мовіць, «слізкі» момант: на малюнку, вынесеным зараз на ўсеагульны агляд, над прыбудовай узвышаецца яшчэ і вежа – падобная на дзве ў алтарнай частцы бажніцы. Дык вось, парадокс у тым, што тыя вежачкі сімвалізуюць памерлых дзетак Вайніловіча – а іх, як вядома, было двое, а не трое... Цікава, як стануць тлумачыць наяўнасць трэцяй вежы экскурсаводы сваім турыстам?


Комментарии
Оставить комментарий
Чтобы оставить комментарий, вам необходимо авторизоваться.

Смотрите также

Статьи
ЗАПРЕТИМинск. Вспоминаем зарубленные инициативы и странные запреты

Всплывшая на днях довольно странная история с запретом минскому Красному костелу звонить в колокола имеет более

Статьи
Пуп Земли. Главный костел огромной империи находился в Могилеве

Если не знать Могилева или, как минимум, не запастись заранее картой местности, то, оказавшись в центре города на

Статьи
Эдвард Войнилович: трагедия, подарившая Минску Красный костел

Это внушительное здание, расположенное в самом центре города, стало одним из наиболее узнаваемых символов

Статьи
Самы высокi, стары, загадкавы… Пяць найбольш цiкавых праваслаўных храмаў Мiнска

У шматвекавой гiсторыi Мiнска здаралiся перыяды, калi горад быў амаль цалкам праваслаўным, i калi тут дзейнiчала толькi

Еще
Самые популярные Самые обсуждаемые