pl | de | by | en

Беларускамоўны фільм, якi скарыў Еўропу

Автор: Аддзел інфармацыі

13 лістапада ў кінатэатры «Масква» з нагоды выхаду ў сталічны пракат адбудзецца прэзентацыя фільма рэжысёра Аляксея Палуяна «Возера радасці», створанага па матывах аднайменнага рамана Віктара Марціновіча.

Гэта цалкам беларускамоўны фільм, сусветная прэм'ера якога адбылася ў Клермон-Ферране — на галоўным сусветным кінафестывалі кароткаметражных фільмаў.

Пасля гучнай фестывальнай прэм’еры «Возера радасці» атрымала шэраг прызоў на іншых прэстыжных еўрапейскіх кінафэстывалях, сярод якіх тры ўзнагароды іспанскага FICBUEU, прыз «За лепшую рэжысуру» на кінафестывалі ў грэцкай Драме, дзве ўзнагароды кінафестывалю ў Невадзе, а таксама перамога ў намінацыі «Лепшы кароткаметражны фільм» нямецкай кінапрэміі Hessen Film Awards. Мінскаму гледачу фільм прадставіць здымачная група з удзелам рэжысёра Алексея Паўляна і пісьменніка Віктара Марціновіча. Частка сродкаў ад прададзеных білетаў пойдзе на карысць платформы «Імёны» (праект-настаўніцтва для дзяцей-сіротаў).

У аснове аповеду ляжыць жыццё дзевяцігадовай Ясі ў ціхай вёсцы, дзе час нібыта спыніўся. Дзяўчынка цяжка перажывае смерць маці, нягледзячы на гэта, бацька адвозіць яе ў інтэрнат. Аднойчы Яся вырашае збегчы і вярнуцца дадому.

vozera 1.jpg

Алексей Палуян — беларускі рэжысёр, які зараз жыве і працуе ў Германіі. За яго плячыма навучанне ў Касэльскай мастацкай акадэміі і шэраг дакументальных і мастацкіх фільмаў. Рэжысёр пачаў працу над сцэнаром «Возера радасці» ў 2016 годзе, натхніўшыся раманам беларускага пісьменніка. Акрамя вольнай адаптацыі эпізода з рамана ў аснову фільма легла асабістая гісторыя бацькі Алексея, які таксама, як і гераіня фільма, рос у інтэрнаце.

vozera2.jpg

«Возера радасці» — міжнародны праект, у здымачную каманду ўвайшлі кінапрафесіяналы з Германіі, Ірану, Грузіі, Украіны, Шатландыі і Балгарыі. У фільме здымаліся вядомыя беларускія акцёры: Ігар Сігаў, Святлана Анікей, Алесь Маўчанаў, Дзяніс Тарасенка, Алена Зуй-Вайцяхоўская і Таццяна Мархель. Галоўную ролю выканала дзевяцігадовая выхаванка магілёўскай SOS-вёскі Анастасія Пляц, чыю гульню высока ацаніла міжнароднае журы іспанскага кінафестывалю FICBUEU, прысудзіўшы дзяўчынцы ўзнагароду ў намінацыі «Лепшая актрыса». За музычнае афармленне фільма адказны знакаміты беларускі этна-гурт VURAJ. Кампазiцыя з альбома Lito стала яго саундтрэкам, таксама гурт зняўся ў эпізодзе. У рамках прэзентацыі ў кінатэатры «Масква» «Vuraj» выканае кампазіцыю перад гледачамі. Яшчэ на сцэну выйдуць «Любанскія музыкі» Васіль Семашкевіч і Мікалай Юніцкі, якія гэтак жа прынялі ўдзел у фільме.

«Возера радасці» у Мінску пакажуць сумесна з дакументальным фільмам «Край жанчын», папярэдняй працай Алексея Палуяна, які сталічныя гледачы маглі ўбачыць у мінулым годзе. Карціна паказвае будні апошніх жыхарак вёскі Любейкі Ляхавіцкага раёну: некаторыя з іх ужо праводзілі на той свет не толькі сваіх мужчын, але і дзяцей, пры гэтым не згубілі жыццёвыя сілы і жаданне жыць. «Край жанчын» быў адзначаны адмысловым прызам «За вернасць маральным ідэалам у кінамастацтве» у Нацыянальным конкурсе 24-га Мінскага міжнароднага кінафестывалю «Лістапад».

У Мінску фільмы можна будзе ўбачыць з 14 па 28 лістапада ў кінатэатрах «Беларусь», «Піянер», Silver Screen і Falcon Club Бутык Кіно, а з 14 по 20 лістапада у Silver Screen. Паказы адбудуцца і ў іншых гарадах Беларусі: плануецца, што карціну пакажуць ў Магілёве, Брэсце, Баранавічах і Ляхавічах. Прэмʼера ў кінатэатры «Масква» адбудзецца 13 лістапада а 19 гадзіне. Квіткі паступяць у продаж за два тыдні да паказу.


Комментарии
Оставить комментарий
Чтобы оставить комментарий, вам необходимо авторизоваться.

Смотрите также

Статьи
10 фильмов и сериалов, где «засветилась» Беларусь

Сегодня белорусское кино отмечает свое 95-летие: 17 декабря 1924

Статьи
Словно декорации к фантастическому фильму. Топ-10 самых диких мест Беларуси

В стране существуют один заповедник, четыре национальных парка и

Статьи
11 белорусских фильмов, которые стоит посмотреть

В Музее истории белорусского кино, где знают все о белорусском

Статьи
Про белорусского фотографа снят документальный фильм

«Сергей Плыткевич. Человек с фотоаппаратом» – так называется

Самые популярные Самые обсуждаемые